汽車保險｜保障比較
車保「三保」定「全保」點揀？答4條問題睇下邊種適合你
第三者責任保險（俗稱「三保」）同綜合汽車保險（俗稱「全保」）， 究竟應該點揀？
對第一次買車保嘅人嚟講，未必一開始就知道兩者有咩分別； 就算已經揸咗好多年車，亦有人會覺得：
「我手車都幾好，又唔會無啦啦自己撞車，買『三保』咪夠？」
呢個諗法其實好正常。
如果真係由其他司機責任引致意外，亦可能涉及向對方追討損失。 但揀三保定全保，唔應該淨係問自己：「我會唔會自己撞車？」
有啲情況，根本同你手車好唔好無關
🪨 行車期間突然有石仔撞到擋風玻璃
🚗 架車喺公路突然故障，需要拖車
💥 泊車或者轉彎時，一個唔小心刮花自己架車
所以，不如先答4條簡單問題，再睇下你真正重視啲乜。
「三保」同「全保」，最核心分別係咩？
簡單講，三保主要保障你對第三者所負嘅法律責任。
至於自己架車嘅損失，一般唔屬於三保主要保障範圍。
全保除咗包含第三者責任保障之外， 一般亦會進一步保障自己車輛嘅損失， 實際保障仍然要視乎個別保單條款、自付費及事故情況。
全保除咗自己撞車，仲有咩實際用途？
如果想快速掌握主要分別，可以先睇下面呢張表； 想了解某一項保障，再按右邊「＋」展開詳細解釋。
| 「三保」 | 「全保」 | ||
|---|---|---|---|
| 第三者責任保障 | ✓ | ✓ | |
| 自己車輛損毀 | 一般不包括 | 一般包括* | |
| 擋風玻璃保障 | 一般不包括 | 部分計劃包括* | |
| 拖車／道路支援 | 視乎計劃 | 部分計劃包括* | |
| 保費 | 一般較低 | 一般較高 |
* 實際保障範圍、自付費、限額及服務內容， 會因保險公司及個別保單條款而有所不同。
所以，「三保」定「全保」？
我唔會話所有人都應該買全保。
如果全保比三保一年貴好多，而你本身亦願意承擔自己架車嘅維修風險， 三保完全可以係合理選擇。
但如果兩者實際保費只係相差一個你接受到嘅金額， 就值得將擋風玻璃、拖車、自己車輛損毀等保障一齊放上枱比較。
真正值得問嘅，唔係「三保定全保邊個一定好」， 而係「以我架車嘅實際報價，兩者差幾多？」
只差最後一步：比較實際保費
提供簡單車輛資料，我哋可以協助比較幾間保險公司嘅三保及全保報價， 再話返你知兩者實際相差幾多。
如果報出嚟比你現有保險公司續保更抵，你先慢慢考慮轉過嚟； 如果原來仲貴過你而家嗰間續保，咁照用返原本嗰間亦完全無問題。
WhatsApp 幫我比較車保No Panic — 因為你一早知道點做